iCopy - இலவச ஒளி பிரதி (ஜெராக்ஸ்) மென்பொருள்

நான் இந்த மென்பொருளை பற்றி ஒரு பத்து வருடம் முன்பு கூறியிருந்தால் உங்களுடைய பணத்தையும், நேரத்தையும் மிச்சம் பிடிக்க உதவியதற்கு என்னை மிகவும் பாராட்டியிருப்பீர்கள் (ஏன்டா முன்னாடியே சொல்லலைன்னு திட்டாம இருந்தா சரி), ஏனென்றால் அப்பொழுது ஒளி வருடி (ஸ்கெனர்), அச்சு பொறி (பிரிண்டர்), தொலை நகலி இயந்திரம் (fax மெசின்) அனைத்தும் அடங்கிய இயந்திரம் மிகவும் விலை அதிகம், ஆனால் இப்பொழுது மிகவும் கம்மி விலைக்கு கிடைக்கின்றன. இருந்தாலும் இந்த மென்பொருளை பகிர்ந்து கொள்வதில் தப்பு ஒன்றும் இல்லை.

தங்களிடம் ஒரு ஒளி வருடி மற்றும் ஒரு அச்சு பொறி உள்ளது, நீங்கள் எப்படி ஒளி பிரதி எடுப்பீர்கள் ? மிகவும் சரி, நானும் உங்களை போல் தான் இந்த மென்பொருளை கண்டறிவதற்கு முன் அந்த முறையை பயன்படுத்தி வந்தேன். நாம் ஒளி பரதி எடுக்க விரும்பும் கோப்பை பெயிண்டு புரோகிராமில் (Paint Program) ஸ்கென் செய்ய வேண்டும் பிறகு அதை பிரிண்டு செய்ய வேண்டும், இதற்கு சில நிமிடங்கள் ஆகும்.

அதுவே இந்த iCopy மென்பொருள் நம்மிடம் இருந்தால் கண் இமைக்கும் நேரத்தில் ஒளி வருடி-யில் என்னென்ன கோப்புகளை வைக்கிறோமோ அவை அனைத்தையும் ஒளி பிரதி எடுத்துக் கொள்ளலாம்.

இந்த மென்பொருளைக் கொண்டு கோப்பின் பிரைட்னெஸ் (brightness), கான்டிராஸ்டு, (contrast), காப்பிகளின் எண்ணிக்கை போன்றவற்றை தீர்மானிக்கலாம்.

iCopy மிக சிறிய மென்பொருள் என்பதால், அதை மிக சுலபமாக நம் பென் டிரைவில் காபி செய்து கொள்ளலாம். iCopy இது ஒரு விண்டோஸ் மென்பொருள், ஆகவே விண்டோஸ் கனிணியில் மட்டுமே பயன்படுத்த முடியும், மாக் (Mac) கணிணியில் பயன்படுத்த இயலாது.

iCopy மென்பொருளை தரையிரக்கம் செய்து கொள்ள கீழே உள்ள சுட்டியை கிளிக் செய்யவும் :

iCopy மென்பொருள்

நம் தரவுகளை / கோப்புகளை கணிணியிலிருந்து முற்றிலுமாக அழிப்பது எப்படி ?

நீங்கள் தங்கள் Recycle Bin-யிலிருந்து தங்களுக்கு தேவையில்லாத கோப்புவை அழித்துவிட்டால் தங்கள் கணிணியிலிருந்து அந்த கோப்பு முற்றிலுமாக அழிக்கப்பட்டுவிட்டது என்று நீங்கள் நினைத்தால் அது தவறு. தங்கள் கோப்பு இருக்கும் இடத்தை சுட்டிக்காட்டும் தொடுப்புகள் (links) மட்டுமே FAT அட்டவணையிலிருந்து அழிக்கப்படுகின்றன, தங்கள் கணிணியிலிருந்து அழிக்கப்படுவது இல்லை. அப்படிப்பட்ட கோப்புகளை மீட்க நிறைய மென்பொருட்கள் உள்ளன, அப்படிப்பட்ட ஒரு இலவச மென்பொருளை பற்றி இங்கே காண்க : Restoration.

இது போல் உள்ள மென்பொருட்களினால், Experts-ஆலும் மீட்க படாதவாரு எப்படி நம் கோப்புகளை அழிப்பது ? அதற்கான தீர்வு தான் இந்த Eraser File Shredder மென்பொருள். இது ஒரு இலவச மென்பொருள். இதை நம் கணிணியில் நிறுவிய பிறகு நாம் முற்றிலும் அழிக்க நினைக்கும் கோப்புவை ரைட் கிளிக் செய்தால் "Erase" என்று வரும், அதை கிளிக் செய்ய வேண்டும் ("Delete" என்பதை கிளிக் செய்தால், "Restoration" போன்ற மென்பொருளை கொண்டு மீட்க முடியும்), பிறகு "Are you sure you want to erase “கோப்பு-வின் பெயர்” ?" என்று வழக்கம் போல் கேட்கும், "Yes" என்பதை கிளிக் செய்யவும், பிறகு அதன் வேலையை அது ஆரம்பிக்கும் சில நிமிடங்கள் கழித்து ஒரு Pop-up Window வரும் அதில் "OK" என்பதை கிளிக் செய்யவும். இப்பொழுது உங்கள் கோப்பு முற்றிலுமாக அழிக்கப்பட்டு விட்டது.

Eraser File Shredder மென்பொருளை கீழ்கண்ட சுட்டியிலிருந்து தரயிறக்கம் செய்து கொள்ளவும் :

Eraser File Shredder Free Software

அழிக்கப்பட்ட கோப்புகளை மீட்பது எப்படி?

தவறுதலாக நாம் ஒரு கோப்புவை (File) நமது கணிணியிலிருந்து நீக்கி விட்டோம், அதை நம் Recycle Bin-யிலிருந்து அதை நாம் பெற்றுக்கொள்ளலாம் என்பது நம் எல்லொருக்கும் தெரிந்ததே. ஆனால் நாம் நம் Recycle Bin-யிலிருந்தும் அந்த கோப்பையை நீக்கிவிட்டோம் என்றால் அதை எப்படி மீட்பது ? அதற்கு உதவும் மென்பொருள்தான் இந்த Restoration. இது ஒரு இலவச மென்பொருள், மிகவும் எடை கம்மியான மென்பொருள். இந்த மென்பொருளை நம் கணிணியில் நிறுவ தேவையில்லை.

மேலும் இதை உபயோகப் படுத்துவதற்கு மிகவும் எளிது. இந்த மென்பொருளை திறந்து, நாம் மீட்க விரும்பும் கோப்பு இருந்த Folder-க்கு சென்று அந்த கோப்பின் பெயரை தச்சிடவேண்டியது தான், நம் கோப்பு மீட்கப்பட்டுவிடும்.

இந்த மென்பொருளை தரயிறக்கம் செய்ய கீழேயுள்ள சுட்டியை சொடுக்கவும் :

Restoration free software

பாதுகாப்பின் காரணமாக தாங்கள் ஒரு கோப்புவை அழிக்க நினைத்தால் (இந்த Restoration மென்பொருள் போன்ற மென்பொருட்களாலும் மீட்க படக் கூடாது என்று நினைத்தால்) இந்த பதிவை படிக்குமாறு கேட்டுக் கொள்கிறேன் : நம் தரவுகளை / கோப்புகளை கணிணியிலிருந்து முற்றிலுமாக அழிப்பது எப்படி ?

மிக பெரிய கோப்புவை மின்னஞ்சலில் அனுப்புவது எப்படி?

நம்மிடம் ஒரு மிக பெரிய ZIP கோப்புவோ அல்லது Word கோப்புவோ அல்லது ஏதோ ஒரு கோப்பு உள்ளது, அதை நாம் எப்படி மின்னஞ்சல் மூலமாக அனுப்புவது ?

அதற்கு உதவவேதான் இந்த இலவச மென்பொருள் "Wind". இந்த மென்பொருளை கொண்டு நாம் மிக சுலபமாக நம் கோப்புயை Split செய்யலாம். பிரிக்கப்பட்ட கோப்புவை மின்னஞ்சல் மூலமாக அனுப்பலாம். அல்லது நம்மிடம் இருக்கும் பல Floppy-களை கொண்டு சேமித்து எடுத்துச் செல்லலாம். ஏன்னென்றால் இந்த மென்பொருளின் உதவியோடு நமது கோப்புவை 50 Kb முதல் 650 Mb வரை பிரிக்கலாம்.

இந்த மென்பொருளை பதிவிறக்கம் செய்ய கீழேயுள்ள சுட்டியை சொடுக்கவும் :

Wind Free Software

PDF பக்கங்களை "Re-Order" செய்வது எப்படி ? PDF கோப்புகளை இணைப்பது (Merge) எப்படி ?

சென்ற பதிவின் தொடர்ச்சியாக, PDF சம்பந்தமாக, இந்த பதிவை பதிவு செய்கிறேன். இந்த பதிவில் நாம் எப்படி ஒரு PDF கோப்பையை "Re-order" செய்வது, "Merge" செய்வது என்று பார்ப்போம்.

முதலில் "Re-Order" செய்வது எப்படி என்று பார்ப்போம். நம்மிடம் ஒரு PDF கோப்பு இருக்கிறது என்று வைத்துக்கொள்வோம், அதில் ஒரு சில பக்கங்கள் நமக்கு தேவையில்லை என்று வைத்துக்கொள்வோம், அதை மட்டும் எப்படி அகற்றுவது ? அல்லது அந்த PDF கோப்பின் ஒரு சில பக்கங்களை ஒழுங்கு படுத்த வேண்டும், அதாவது 10-வது பக்கம் 5-வது பக்கமாக இருக்க வேண்டும், 8-வது பக்கம் 20-வது பக்கமாக இருக்க வேண்டும், இதை எப்படி செய்வது ? கவலையை விடுங்க, இதற்கானா தீர்வுதான் இந்த "PDF Hammer". பயன் படுத்துவதற்கு மிகவும் எளிது. இந்த இணையதளத்தில் சென்று நமது PDF கோப்பை பதிவேற்றம் செய்ய வேண்டும், பிறகு அவர்கள் கொடுத்திருக்கும் "Delete", "Move forward", "Move Backward"... பட்டன்களை கொண்டு நமக்கு தேவையான வடிவில் நமது PDF கோப்பையை "Re-Order" செய்து கொள்ளலாம். பிறகு "Re-Order" செய்யப்பட்ட PDF கோப்பையை "Save" கொண்டால் நமது வேலை ஆயிற்று.இப்போதைக்கு நாம் 100 பக்கங்கள் கொண்ட PDF கோப்பை மட்டுமே பதிவேற்றம் செய்து "Re-Order" செய்ய முடியும். கூடிய விரைவில் அதிக பக்கங்களை "Re-Order" செய்து கொள்ள அவர்கள் ஏற்பாடு செய்வார்கள் என்று எதிர்பார்போமாக.

இதோ PDF Hammer இணையதளத்தின் சுட்டி :

PDFHammer

இப்பொழுது நாம் எப்படி PDF கோப்புகளை இணைப்பது என்று பார்போம். நான் சென்ற பதியில் கூறிய "PDF ReDirect" மென்பொருளை கொண்டு நாம் எவ்வளவு PDF கோப்புகளை வேண்டுமானாலும் இணைத்துக் (Merge) கொள்ளலாம். தங்கள் PDF ReDirect-ஐ திறந்து, அதில் நாம் இணைக்க விரும்பும் PDF கோப்புகளை பதிவேற்றம் செய்ய வேண்டும், பிறகு "Merge List"-யில் சேர்த்து விட்டு, அதற்கு ஒரு பெயர் கொடுத்து "Save" பட்டனை கிளிக் செய்யவும், இணைக்கப்பட்ட PDF கோப்பு தயார்.

PDF ReDirect மென்பொருளை தறையிறக்கம் செய்ய கீழேயுள்ள சுட்டியை கிளிக் செய்யவும் :
PDF ReDirect

Word, Excel, PPT கோப்புகளை PDF கோப்புகளாக மாற்ற உதவும் இலசவ மென்பொருள்

நம்மில் பலர் இன்னும் ஒரு Word கோப்பை PDF கோப்பாக மாற்ற Adobe PDF Creator-ஐ தான் பயன்படுத்த முடியும் அல்லது வேறு ஒரு மென்பொருளை (உதாரணத்திற்கு PDF Transformer) காசு கொடுத்து வாங்க வேண்டும் என்று நினைத்துக் கொண்டிருக்கிறார்கள். நானும் அப்படித்தான் கடந்த சில மாதங்கள் வரை நினைத்துக் கொண்டிருந்தேன். ஆமாங்க நான் சொல்லப்போகும் மென்பொருளைக் கொண்டு இலவசமாக நம் Word, Excel, PPT... கோப்புகளை PDF கோப்புகளாக மாற்றிக்கொள்ளலாம்.

சரி நாம் ஏன் PDF கோப்பாக மாற்ற வேண்டும் என்று கேட்கிறீர்களா ? PDF கோப்புகளால் பல நன்மைகள் இருக்குங்க. நாம் ஒரு கணிணியில் இருந்து மற்றொரு கணிணிக்கு மின்னஞ்சல் மூலமாக அனுப்பும் பொழுது அவர்களிடமும் நாம் உபயோகப் படுத்திய Font இருக்க வேண்டும் என்ற அவசியம் இல்லை. நாம் உபயோகப் படுத்திய Font இல்லாமலே அவர்களால் நம் கோப்பையை படிக்க முடியும்.

இரண்டாவது பயன், நாம் எப்படி நம்முடையை கோப்பை எவ்வாரு Format பண்ணியுள்ளோமோ அதே Format-யில் நம் கோப்பை Print செய்ய இயலும்.

மேலும் முக்கியமான ஒன்று, இந்த ஒரு காரணத்திற்காகதான் நான் PDF கோப்புக்கு மாற்றுகிறேன். பொதுவாகவே நாம கஷ்டப்பட்டு ஒரு கோப்பை உருவாக்குவோம், அதை நம் மேலதிகாரிகள், Copy-Paste செய்து அதில் அவர்களுடைய பெயறை போட்டிக்கொண்டு பெயர் வாங்கிக் கொள்வார்கள், கஷ்டபட்டு தயாரித்த நமக்கு 3 நாமம். ஆனால் இதையெ நாம் PDF கோப்பாக மாற்றி நம் பெயரை பதித்துக் கொண்டால், அவர்களால் மாற்ற முடியாது, Copy-Paste-உம் செய்ய முடியாது. இப்படி பல நன்மைகள் PDF கோப்பையை உருவாக்குவதன் மூலம் கிடைக்கிறது.


சரி இப்பொழுது நம் இலவச PDF Creator மென்பொருளை பற்றி பார்போம். அதன் பெயர் PDF ReDirect. இது ஒரு Freeware, ஆகவே நாம் எந்த விதமான Copyright பயம் இல்லாமல் உபயோகிக்கலாம்.

கீழ்கண்ட சுட்டியை கிளிக் செய்து PDF ReDirect மென்பொருளை தங்கள் கணிணியில் நிறுவிக் கொள்ளுங்கள் :

PDF-ReDirect

எப்படி நம் கோப்பை PDF கோப்பாக மாற்றுவது ? நீங்கள் PDF கோப்பாக மாற்ற விரும்பும் கோப்பையை திறந்து கொள்ளுங்கள். இப்பொழுது File-Print-ஐ கிளிக் செய்யவும். இப்பொழுது தங்கள் Printer-ருக்கு பதிலாக PDF ReDirect-ஐ Select செய்யவும், பிறகு OK-வை செய்யவும் அவ்வளவே. இப்பொழுது தங்கள் PDF கோப்பு தயார்.

அது சரி நான் மேலே கூறியுள்ளது போல எப்படி நம் பெயரை எழுதுவது ? நீங்களே தேடிப்பாருங்கள், விடை கிடைக்கும்.

PDF கோப்பையை மிக வேகமாக திறக்க உதவும் Foxit மென்பொருள்

என்னது நீங்கள் இன்னமும் PDF கோப்பையை திறக்க Acrobate Reader-ஐ உபயோகிக்கிறீர்களா ? அட ஆமாங்க, நீங்க இன்னமும் அந்த Acrobate Reader-ஐ கட்டிக்கொண்டு, PDF கோப்பு Open ஆவதற்கு பல நிமிடங்கள் காத்துக்கொண்டிருந்தால் அதற்கு நான் பொறுப்பள்ள.

Acrobate Reader-ஐ நான் உபயோகிக்கித்து பல மாதங்கள் ஆகிறது, சும்மா Foxit-ஐ Install செய்து பார்த்தேன், அட என்ன வேகம், கிட்டத்தட்ட 100 % Acrobate Reader-ஐ காட்டிலும் அப்படி ஒரு வேகம். Acrobate Reader-யில் தேவையில்லாத, நாம் உபயோகபடுத்தாத பல feature-கள் உள்ளன, அதனாலயே Acrobate Reader Open ஆக பல கணங்கள் ஆகும், ஆனால் Foxit அப்படியல்ல 3 MB மட்டுமே, தேவையில்லாத feature-கள் கிடையாது, PDF கோப்பையை மிக வேகமாக திறக்கும்.

நீங்களே தரையிறக்கம் செய்து பாருங்கள், நிச்சயமாக நீங்கள் 23 MB கொண்ட அந்த Acrobate Reader-ஐ Uninstall செய்வீர்கள், அது மட்டும் நிச்சயம்.

Foxit மென்பொருளை கீழே உள்ள சுட்டியை கிளிக் செய்து தரையிறக்கம் செய்து கொள்ளுங்கள்:


Direct Link to Download Foxit

YouTube வீடியோக்களை தரையிறக்கம் செய்வது எப்படி ?

நம்மில் பலருக்கு YouTube வீடியோ பார்க்கும் பழக்கம் இருக்கிறது, சில சமயங்களில் நாம் பார்க்கும் வீடியோக்களை சில நாட்கள் கழித்து திரும்ப பார்க்க வேண்டும் போல் தோன்றும். அதை மறுபடியும் பார்க்க திரும்பவும் தரையிறக்கம் செய்ய வேண்டும். ஆக தங்களுக்கு மிகவும் பிடித்த வீடியோவை தரையிறக்கம் செய்து வைத்துக்கொண்டால் எப்பொழுது வேண்டுமானாலும் பார்த்துக் கொள்ளலாம் அல்லது ஒரு VCD-யிலோ அல்லது ஒரு DVD-யிலோ எரித்து வைத்துக்கொண்டு TV-யில் பார்க்கலாம்.

சரி தரையிறக்கம் செய்வது எப்படி என்று பார்போம். இதற்கான பல மென்பொருட்கள் இணை எங்கும் கொட்டிக்கிடக்கிறது. ஆனால் அதில் 99% மென்பொருள்கள் .flv கோப்புகளாக மட்டுமே தரையிறக்கம் செய்ய உதவும். அதை நாம் அன்றாடம் பார்க்கும் RealPlayer-யிலோ, Windows Media Player-யிலோ, etc பார்க்க முடியாது. ஆக அந்த .flv கோப்புகள் மறுபடியும் .mpg கோப்புகளாக மாற்றவேண்டும் (அதற்கான மென்பொருள்கள் இலவசமா இணையதளதில் உள்ளன, அதை பற்றி பிறகு சொல்கிறேன்). ஆனால் நான் சொல்லப்போகும் மென்பொருளைக் கொண்டு தாங்கள் நேரடியாக .mpg கோப்பாக தரையிறக்கம் செய்துக் கொள்ளலாம்.

முதலில் கீழ்கண்ட இணையதளத்திலிருந்து YouTube Converter தரையிறக்கம் செய்து கொள்ளவும் :

யூடியுப் தரையிறக்க மென்பொருள்

சரி ஆயிற்று இப்பொழுது எப்படி தரையிறக்கம் செய்வது ?
தாங்கள் தரையிறக்கம் செய்ய விரும்பும் YouTube வீடியோவுக்கு செல்லவும், தங்கள் வலது புறத்தில் யார் இந்த வீடியோவை பதிவேற்றம் செய்தது, எப்பொழுது செய்யப்பட்டது என்று கூறப்பட்டிருக்கும். அதற்க்கு பக்கத்தில் (More Info) என்று இருக்கும்.

More Info-வை கிளிக் செய்தவுடன் தங்களுக்கு அந்த வீடியோவிற்கான URL (இணையதள முகவரி) கிடைக்கும்.

அதை Copy செய்து கொண்டு தங்கள் YouTube Converter-க்கு செல்லுங்கள். அங்கே YouTube URL என்று இருக்கும் இடத்தில் அந்த URL-ஐ Paste செய்யுங்கள். பிறகு File Type-யில் mpg என்று Select செய்யுங்கள்.

பிறகு தாங்கள் அந்த வீடியோவை தங்கள் கணிணியில் சேமிக்கப்போகும் இடத்தை சுட்டிக் காட்டுங்கள் பிறகு "Convert" பட்டனை கிளிக் செய்யுங்கள் அவ்வளவுதான் தரையிறக்கம் செய்தாயிற்று.

தற்காலிக மின்னஞ்சல் முகவரிகள் (Free temporary mails)

நேத்து நிறைய மொக்கை / குப்பை பதிவுகளா போட்டாச்சேன்னு, இந்த பதிவை எழுத ஆரம்பித்தேன், உடனே மின்சாரம் (மழையின் காரணமாக) துண்டிக்கப்பட்டுவிட்டது. சரி இன்றைக்கு எழுத முடியாதுன்னு எடுத்து வைத்துவிட்டேன். உன் புராணம் எல்லாம் வேண்டாம் விஷயத்துக்கு வா என்கிறீர்களா ? அதுவும் சரிதான்.

இப்பொழுதெல்லாம் மின்னஞ்சல் (Email) Spam ரொம்ப அதிகமாயிடிச்சு, சரி வந்த வரைக்கும் ஒன்றும் பண்ண முடியாது, இனிமேல் அதிகமாக வராமல் தடுக்கலாம். இப்பொழுது உங்களுக்கு ஏதாவது ஒரு மென்பொருள் வேண்டும் அதை பதிவிறக்கம் செய்ய தங்கள் மின்னஞ்சலை கேட்கிறார்கள், ஆனால் உங்களுக்கோ சின்ன சந்தேகம் எங்கே அவர்கள் Spam அனுப்புவர்களுக்கு விற்று விடுவார்களோ என்று, இருந்தாலும் பதிவிறக்கம் செய்ய ஆசை, இது மாதிரியான சமயத்துல உதவுவதுதான் இந்த தற்காலிக மின்னஞ்சல் முகவரிகள் (Free temporary mails), இதற்காகவே பல இணையதளங்கள் உள்ளன, ஆனால் நான் பயன்படுத்துவது இந்த இரு இணையதளங்களை மட்டுமே.

முதலாவது அதுவே தங்கள் முகவரியை கொடுத்துவிடும் (அந்த வேலை கூட நமக்கு கிடையாது) 4 மணி நேரம் மட்டும் இந்த முகவரி செயல்பாட்டில் இருக்கும். இரண்டாவது நாம் கிளிக் செய்தவுடன் தான் தங்கள் முகவரியை கொடுக்கும், எவ்வளவு நிமிடம் நம் முகவரி செயல்பட வேண்டும் என்று நாம் முடிவுசெய்யலாம் (10 முதல் 60 நிமிடம் வரை).
இதோ அந்த தற்காலிக மின்னஞ்சல் இணையதளங்களின் முகவரிகள்

Mintemail

20MinuteMail

இவை அனைத்தையும் படித்துவிட்டு ஜீமெயிலில், யாஹூமெயிலில், ஹாட்மெயிலில் ID பல இலவசமாகதானே கிடைக்குது அதில் புதியதாக ஒரு முகவரியை கிரியேட் (create) செய்து கொண்டால் போயிற்று என்கிறீகளா. அப்படி நாம் செய்வதால், ஒரு ID உபயோகமற்று போகிறது, அதே பெயரில் மின்னஞல் முகவரியை எதிர்பார்க்கும் பேர்கள் அனேகம், ஆகவே இது போன்று செய்யாமல் தற்காலிக மின்னஞ்சல் முகவரிகளை உபயோகிக்குமாறு கேட்டுக்கொள்கிறேன்.

7z - இலவச கோப்பு இறுக்க (File Compression) மென்பொருள்

நாம் அன்றாடம் உபயோகிக்கும் மென்பொருள் WinZip.

ஆனால் எப்பொழுது அதை உபயோகித்தாலும் "Use Evaluation Version" வந்து தொல்லை பண்ணிக்கிட்டே இருக்கும். அதற்கு நாம் WinZip-ஐ வாங்க வேண்டும் (இலவசமாக கிடைக்கும் பொழுது நாம் ஏன் அதை காசு கொடுத்து வாங்க வேண்டும், அதற்கு பதில் நாம் "Use Evaluation Version" கிளிக் செய்து விட்டு போவோம் இல்லையா ?).

சரி இதற்கு வேறு ஏதாவது தீர்வு இருக்கிறதா என்று பார்த்த பொழுது கிடைத்ததுதான் இந்த 7-zip மென்பொருள். இதனால் மற்றுமொரு நன்மையும் இருக்கிறது, அது என்னவென்றால் இதை கொண்டு 7-zip முறையில் WinZip-ஐ காட்டிலும் 30 முதல் 40 சதவிதம் வரை நாம் விரும்பும் கோப்பை இறுக்கம் (File Compress) செய்ய முடியும்.

அப்புறம் என்ன கீழ்கண்ட சுட்டியை கிளிக் செய்து தரையிறக்கம் செய்து கொள்ளுங்கள்:

மேலும் ஒரு தகவல்:

இதன் மூலம் RAR, CAB, ISO, ARJ, LZH, CHM, MSI, WIM, Z, CPIO, RPM, DEB மற்றும் NSIS வகை கோப்புகளை Unpacking செய்யலாம். 7z, ZIP, GZIP, BZIP2 மற்றும் TAR வகை கோப்புகளை Packing / Unpacking செய்யலாம்.

Windows XP, 2000, 98-காண இலவச மென்பொருள்கள்

தாங்கள் தங்கள் Windows-ஸிற்கு இலவச மற்றும் சட்டபடியான மென்பொருளை தேடிக்கொண்டிருக்கிறீர்களா ? அப்ப, நீங்கள் சரியான இடத்திற்குதாங்க வந்திருக்கீங்க. Windows 98, 2000, XP-காண இலவச மற்றும் சட்டபடியான மென்பொருட்களை, WinLibre என்னும் இணையதளம் நமக்காகவே தேடித்தேடி வைத்திருக்கிறார்கள்.

Office (word processor, spreadsheet, presentation), Internet (web, email, messaging), Multimedia (music, video), Create (drawing, music), Tools (file compression, antivirus), இப்படி நமது எல்லா விதமான தேவைகளுக்கும் அவர்கள் மென்பொருட்களை வைத்திருக்கிறார்கள். ஆகவே, அனைவரும் சட்டவிரொதமான மென்பொருட்களுக்கு செல்லாமல், WinLibre-ஐ பயன்படுத்தி நன்மையடைய வேண்டும்.

தமிழ் / ஹிந்தி / தெலுங்கு / மலையாளம் படங்களை இலவசமாக பார்க்க

தமிழ் / ஹிந்தி / தெலுங்கு / மலையாளம் படங்களை கீழ்கண்ட சுட்டிகளை கிளிக் செய்து இலவசமாக Online-யில் பார்க்கலாம், தரையிறக்கம் செய்து கொள்ளலாம். பதிப்புரிமை சட்டப்படி இது குற்றமே.

உங்களுக்கு பிடித்த சுட்டியை பயன்படுத்திக் கொள்ளுங்கள்.

BHARAT MOVIES

TECH SATHISH

APNA VIEW

MEGA RAPID LINKS

RAJSHRI

ஹாலிவுட் / பாலிவுட் படங்களை இலவசமாக பார்க்க

DivX தர ஹாலிவுட் / பாலிவுட் படங்களை கீழ்கண்ட சுட்டிகளை கிளிக் செய்து இலவசமாக Online-யில் பார்க்கலாம். பதிப்புரிமை சட்டப்படி இது குற்றமே.

JOOX.NET

நீங்கள் இந்த சுட்டியில் உள்ள படங்களை பார்க்க DivX plugin Install செய்ய வேண்டும். அதை இங்கிருந்து DivX இலவசமாக தரையிறக்கம் செய்து கொள்ளவும்.

BHEJAFRY.NET

நீங்கள் இந்த சுட்டியில் உள்ள படங்களை பார்க்க Windows Media Player வைத்திருக்க வேண்டும். அதை இங்கிருந்து Windows Media Player இலவசமாக தரையிறக்கம் செய்து கொள்ளவும்.